Maktabga qanday qabul qilinadi?

Invento the Uzbek International School'ga qabul jarayoni qanday amalga oshiriladi?

Invento the Uzbek International School'ga qabul jarayoni bosqichma-bosqich amalga oshiriladi, va biz har bir qadamingizda sizni qo‘llab-quvvatlashga tayyormiz. Agar siz Tashkent City Campus (2-6 yoshli bolalar uchun) yoki Ashgabat Campus (1-12 sinf o‘quvchilari uchun)da ta’lim olishni ko‘rib chiqayotgan bo‘lsangiz, biz qabul jarayonini iloji boricha samarali va siz uchun qulay qilishga harakat qilamiz.

Birlamchi konsultatsiya

Invento the Uzbek International School'ga qabulning birinchi bosqichi — bu birlamchi konsultatsiya. Qo‘shimcha ma’lumot yoki tavsiyalar olish uchun veb-sayt orqali so‘rov yuborish yoki telefon orqali bog‘lanish mumkin. Ushbu uchrashuvda yoki telefon qo‘ng‘irog‘ida biz sizga ta’lim dasturlari (IB PYP, MYP va DP), qabul shartlari va zarur hujjatlar haqida batafsil ma’lumot berib, barcha savollaringizga javob beramiz.

Bizning dasturlarimiz o‘quvchilarning akademik, ijtimoiy va hissiy ko‘nikmalarini rivojlantirishga qanday hissa qo‘shishi haqida to‘liq tasavvurga ega bo‘lishingiz uchun konsultatsiya muhimdir. Farzandingiz uchun eng mos ta’lim dasturini tanlashga yordam beramiz va o‘qishga qabul qilish jarayonidagi keyingi qadamlarni tushuntiramiz.

Kampus bo‘ylab ekskursiya

Konsultatsiyadan so‘ng sizni kampuslarimizdan biriga ekskursiyaga taklif etamiz. Bu dars xonalari, o‘yin maydonchalarini va maktab infratuzilmasining boshqa muhim qismlarini ko‘rish uchun ajoyib imkoniyatdir. Ekskursiya davomida ta’lim muhitimiz bilan tanishasiz, darslar qanday o‘tkazilishini bilib olasiz va o‘quvchilarning qulayligi hamda xavfsizligini qanday ta’minlayotganimizga ishonch hosil qilasiz.

Qulayligingizni ta’minlash maqsadida, oldindan qo‘ng‘iroq qilib, o‘zingizga qulay sana va vaqtni tanlab, ekskursiyaga yozilishingizni so‘raymiz. Xodimlarimiz savollaringizga javob berishdan va dasturlarimiz hamda kampuslarimiz o‘quvchilarning rivojlanishiga qanday hissa qo‘shishini ko‘rsatishdan mamnun bo‘ladilar.

Muhim! Kampusga kirish uchun pasportingizning asl nusxasini ko‘rsatishingiz kerak bo‘ladi, shu sababli uni o‘zingiz bilan olishni unutmang.

Test topshirish va psixolog bilan suhbat

Tashkent City Kampusida bo‘lajak o‘quvchilar uchun o‘yin shaklida birlamchi psixologik diagnostika va ota-onalar bilan suhbat o‘tkaziladi.
Ashxobod Kampusiga o‘qishga kirayotgan o‘quvchilar uchun turli fanlar bo‘yicha test sinovlari, shuningdek, bolaning o‘qishga tayyorligini baholash uchun psixolog bilan uchrashuv ko‘zda tutilgan.
Boshlang‘ich sinflar (1-5-sinflar) uchun ingliz tili, matematika va ona tili (rus yoki o‘zbek tili) bo‘yicha test sinovlari o‘tkaziladi. Yuqori sinf o‘quvchilari uchun ingliz tili, matematika va tabiiy fanlar bo‘yicha test sinovlari amalga oshiriladi. Diplom dasturiga qabul qilish testdan muvaffaqiyatli o‘tishdan so‘ng sinov davri va akademik rahbarlar bilan suhbat o‘tkazish orqali amalga oshiriladi.
Batafsil ma’lumotni Qabul xizmati menejerimizdan olishingiz mumkin.

O‘qishga qabul bo’yicha so’nggi xulosaga kelish

Qabul qilishning barcha bosqichlarini muvaffaqiyatli yakunlagandan so‘ng, maktab farzandingizni o‘qishga qabul qilish to‘g‘risida qaror qabul qiladi. Bu jarayon bolaning akademik yutuqlari va/yoki psixologik tayyorgarligi hamda ijtimoiy moslashuvchanligini har tomonlama baholashga asoslanadi. Ijobiy qaror qabul qilingan taqdirda, ota-onalar o‘qishga qabul qilinganligi haqida rasmiy xabarnoma va kelgusi qadamlar, jumladan shartnoma imzolash va keyin ro‘yxatdan o‘tish badalini to‘lash bo‘yicha ko‘rsatmalar oladilar.

Ariza to‘ldirish

Muvaffaqiyatli qabul qilinganingizni tasdiqlagandan so‘ng, ta’limni boshlash uchun Anketani to‘ldirishingiz hamda shartnoma tuzish uchun o‘zingiz va farzandingizning shaxsiy ma’lumotlarini taqdim etishingiz lozim bo‘ladi.
Shu bilan birga, tibbiy ma’lumotnomalarni yig‘ish kerak bo‘ladi. Bunda bolaning kasalliklari, allergiyalari yoki sog‘lig‘ining o‘ziga xos xususiyatlari haqidagi har qanday ma’lumotni ko‘rsatish alohida ahamiyatga ega. Shuni ta’kidlash joizki, ma’lumotnomalar taqdim etilishidan ko‘pi bilan 14 kun oldin berilgan bo‘lishi juda muhim. Farzandingizning maktabda xavfsizligi va qulayligini ta’minlash uchun iloji boricha aniq va dolzarb ma’lumotlarni taqdim etishingizni so‘raymiz. Hujjatlarning to‘liq ro‘yxati quyida keltiriladi.

Tashkent City Kampusi uchun hujjatlar ro‘yxati Ashxobod Kampusi uchun hujjatlar ro‘yxati

Shartnomani imzolash va to‘lov

Barcha zarur hujjatlar va tibbiy ma’lumotnomalarni olganingizdan so‘ng, sizga ta’lim shartnomasi imzolash va to‘lovni amalga oshirish taklif etiladi. To‘lov tarkibiga ro‘yxatdan o‘tish badali va boshqa majburiy to‘lovlar kiradi. Bularni farzandingizning maktabdagi o‘rnini kafolatlash uchun belgilangan muddatlarda to‘lashingiz lozim. Shundan so‘ng, farzandingiz rasman qabul qilinadi va sizga dars jadvali hamda maktab hayoti haqida ma’lumot olish uchun “Toddle” ta’lim platformasiga kirish huquqi beriladi.

Moslashuv

O‘quv yili boshlanganidan so‘ng, biz farzandingizga maktab muhitiga ko’nikib ketishi va moslashishida yordam beramiz. Zarur bo‘lsa, o‘qituvchilar, koordinator va maktab psixologi bilan uchrashuvlarni tashkil etamiz. Bu uchrashuvlar bolangizga moslashuv davrida kerakli qo‘llab-quvvatlash va qulaylikni ta’minlash imkonini beradi.

Shuningdek, biz ota-ona va bolani “Toddle” maktab platformasiga ulaymiz. Bu platformada siz farzandingiz yutuqlarini kuzatishingiz, o‘qituvchilar bilan muloqot qilishingiz va maktabdagi barcha tadbirlar, jadvallar hamda muhim e’lonlardan xabardor bo‘lishingiz mumkin. Bundan tashqari, biz ota-onalarni oila va maktab o‘rtasidagi yaqin hamkorlikka ko‘maklashadigan Ota-onalar va O‘qituvchilar uyushmasiga (PTA) qo‘shilishga taklif etamiz. Uyushma sizga fikr-mulohazalaringizni bildirish, maktab tadbirlarida ishtirok etish va maktab hamjamiyati rivojlanishiga hissa qo‘shish imkonini beradi. Bu esa farzandingizning muvaffaqiyati uchun o‘zaro hamkorlikni mustahkamlaydi.

Qabul siyosati haqida batafsil ma’lumotni bu yerda o‘qing