Qidiruv
EN UZ RU
+998 71 210-99-99

O‘rta Ta’lim Dasturi (Middle Years Programme)

MYP (Middle Years Programme – O‘rta Ta’lim Dasturi) — bu 11-yoshdan 16-yoshgacha bo‘lgan o‘quvchilar uchun mo‘ljallangan besh yillik IB (Xalqaro Bakalavriat) dasturi bo‘lib, IB Diploma Dasturiga (DP) tayyorlov bosqichi hisoblanadi.

Ushbu dasturni Invento maktabi ibo.org rasmiy tavsiyalariga muvofiq amalga oshiradi. MYP o‘quvchilarni murakkab, ammo ilhomlantiruvchi o‘quv muhiti orqali fanlar va real hayot o‘rtasida amaliy bog‘liqlik o‘rnatishga undaydi.

MYP oʻquv dasturi

O‘quvchilar har bir fan yo‘nalishi bo‘yicha yil davomida kamida 50 soat ta’lim oladilar. MYP dasturining 4 va 5-yillarida o‘quvchilar sakkizta fan yo‘nalishidan oltitasini tanlash imkoniyatiga ega bo‘lib, bu esa O‘zbekiston talablari va o‘quvchilarning individual ehtiyojlariga mos ravishda moslashuvchanlikni ta’minlaydi.

Invento maktabida biz mahalliy talablarga alohida e’tibor qaratamiz va ularni samarali hamda mazmunli integratsiya qilish uchun milliy o‘quv dasturi koordinatori bilan hamkorlik qilamiz.

MYP dasturi yakunlangach, o‘quvchilar rasmiy sertifikatga ega bo‘ladilar. Bu hujjat ularning akademik yutuqlari va Shaxsiy loyiha muvaffaqiyatli amalga oshirilganligini tasdiqlaydi. Ushbu sertifikat xalqaro maktablar va universitetlar tomonidan qadrlanadi. Keyinchalik o‘quvchilar IB Diploma dasturiga o‘tadilar — bu ikki yillik kurs bo‘lib, u akademik bilimlarni chuqurlashtiradi va universitetga tayyorlaydi.

O‘quv dasturi 8 ta fan yo‘nalishini o‘z ichiga oladi hamda global kontekstlar orqali asosiy fanlararo tushunchalarni integratsiya qiladi. Dasturdagi muhim elementlardan biri bu — Shaxsiy loyiha bo‘lib, u o‘quvchilarga rejalashtirish, tadqiqot olib borish va taqdimot qilish ko‘nikmalarini rivojlantirishga yordam beradi.

MYP dasturidagi fan yo‘nalishlari quyidagilardan iborat:

  • Chet tillarini o‘rganish
  • Tillar va Adabiyot
  • Shaxs va jamiyat
  • Tabiiy fanlar
  • Matematika
  • San’at
  • Jismoniy tarbiya va sog‘liq asoslari
  • Dizayn
MYP fan yo‘nalishlari haqida batafsil ma’lumot va ularning tavsiflari bilan tanishish uchun IBO rasmiy saytiga tashrif buyuring: www.ibo.org.

Nega aynan Invento maktabidagi MYP dasturi — farzandingiz uchun eng to‘g‘ri tanlov?

MYP dasturi bo‘yicha ta’lim olayotgan o‘quvchilar:

  1. O‘z o‘quv jarayonini ishonch bilan boshqaradilar
  2. Nazariyani amaliyot bilan bog‘lab, real hayot bilan uzviy aloqada o‘rganadilar
  3. Xalqaro tadqiqotlarga ko‘ra, IB dasturida o‘qimaydigan tengdoshlariga nisbatan yuqori akademik ko‘rsatkichlarga ega bo‘ladilar
  4. Diploma Programme imtihonlarida doimiy ravishda yuqori natijalarni ko‘rsatadilar
  5. Global muammolarni tushunishadi va mas’uliyatli fuqaro bo‘lishga intiladilar

Invento maktabining noyob yondashuvi

MYP doirasida biz o‘quvchilarga fanlararo yondashuvni taklif qilamiz — bu esa ularga turli fanlar o‘rtasidagi bog‘liqliklarni tushunishga yordam beradi va mashg‘ulotlar, baholash ishlari hamda tadqiqotga asoslangan o‘qitish orqali ko‘p fanli yondashuvni rag‘batlantiradi. Tadqiqotga asoslangan o‘qitish o‘quvchilarning tanqidiy fikrlash ko‘nikmalarini savollar berish, izlanishlar olib borish va javoblarni faol izlash orqali rivojlantiradi.

Invento maktabida biz faktlarni yod olish emas, balki tushunish va ichki ongga singdirishni maqsad qilganmiz. Biz o‘quvchilarni konsepsiyalar asosida bilimlarni bog‘lashga undaymiz — faktlar tushunchalarni boyitadi, aksincha emas.

Invento maktabida biz baholash o‘qitishning ajralmas qismi deb hisoblaymiz va shu sababli test va imtihonlardan tashqari loyihalar, chiqishlar, portfellar, modellar va mahsulotlar kabi turli xil, real hayotga yaqin baholash shakllariga e’tibor qaratamiz.

Biz o‘zimizni O‘zbek Xalqaro Maktabi deb faxr bilan e’lon qilamiz va o‘quvchilarda chinakam global dunyoqarashni shakllantirishga intilamiz — bunga Toshkent va O‘zbekistonning mahalliy muhitiga qaratilgan e’tibor va izlanishlar orqali erishamiz.


Invento maktabida fan darslari: nazariyadan amaliyotga


1

Kommunikatsiya ko‘nikmalari

MYP dasturi darslarida o‘quvchilar muntazam ravishda loyiha natijalarini taqdim etadilar, global mavzularda bahslarda ishtirok etadilar va murakkab g‘oyalarni ifodalash uchun fan terminologiyasidan foydalanadilar.

2

Hamkorlik ko‘nikmalari

Guruhiy topshiriqlar — ilmiy tadqiqotlardan tortib fanlararo loyihalargacha — davomida o‘quvchilar birgalikda rejalashtirish, rollarni taqsimlash va umumiy maqsadlarga erishishni o‘rganadilar.

3

Muloqaza ko‘nikmalari (tanqidiy fikrlash, ijodiy fikrlash va bilimlarni ko‘chira olish)

Shaxs va Jamiyat (Individuals & Societies) darslarida manbalarni ishonchliligini baholash yoki fan darslarida tajribalarni loyihalash orqali o‘quvchilar tahlil qilish, bog‘liqliklarni topish va turli kontekstlarda g‘oyalar yaratish amaliyotini o‘zlashtiradilar.

4

Tadqiqot ko‘nikmalari

Tadqiqot savollarini shakllantirishdan tortib, Shaxsiy loyiha doirasida manbalarni rasmiylashtirishgacha — MYP o‘quvchilari chuqur va mas’uliyatli izlanish olib borishni o‘rganadilar.

5

O‘zini boshqarish ko‘nikmalari (tashkiliy, vaqtni boshqarish va refleksiya)

MYP rejalashtirgichi va o‘quvchi portfeli kabi vositalar yordamida o‘quvchilar muddatlarga amal qilish, o‘z rivojlanishini kuzatish va fikr-mulohazalarni rivojlanish uchun qo‘llashni o‘rganadilar.

6

Kommunikatsiya, hamkorlik va tanqidiy fikrlash — amalda

Ushbu asosiy ATL ko‘nikmalari barcha fanlarda doimiy ravishda qo‘llaniladi. Bu esa o‘quvchilarga mazmunli izlanish olib borish, ijodiy muammolarni hal qilish va o‘z fikrlarini turli formatlarda ifodalash imkonini beradi.

Invento The Uzbek International Schoolda ta'lim olishni istaysizmi?

Ariza topshirish
Dasturlar ro'yxatiga qaytish