Invento The Uzbek International School IB’ning ilg‘or jahon amaliyotlarini ta’limga qanday joriy etmoqda

O‘quvchilarga xalqaro darajadagi ta’lim berish uchun doimiy ravishda jahon professional hamjamiyatining bir qismi bo‘lish, yangi yondashuvlarni o‘rganish va yetakchi mutaxassislar bilan tajriba almashib turish muhim.

2025/2026-o‘quv yilida Invento The Uzbek International School vakillari Xalqaro bakalavriatning (IB) ikkita yirik xalqaro tadbiri — Gaaga va Mumbaydagi IB Global Conference anjumanlarida ishtirok etdilar.

Niderlandiyaning Gaaga shahrida Yevropa, Yaqin Sharq va Afrikadan 1600 dan ortiq maktab rahbarlari, koordinatorlar va pedagoglar “Our Humanity, Connected” (“Insoniyligimiz bizni birlashtiradi”) mavzusidagi IB Global Conference anjumaniga yig‘ildilar. Anjuman kelajak ko‘nikmalarini rivojlantirish, ta’limdagi innovatsiyalar, yetakchilik va maktabning bolalar o‘z salohiyatini ro‘yobga chiqarishiga qanday yordam berishi masalalariga bag‘ishlandi.

2026-yil bahorida esa Invento The Uzbek International School jamoasi Mumbayda bo‘lib o‘tgan IB Global Conference anjumanida ma’ruzachi sifatida qatnashdi. Anjuman Osiyo-Tinch okeani mintaqasidagi 1100 dan ortiq xalqaro maktab vakillari va ta’lim sohasidagi yetakchilarni birlashtirdi. Turli mamlakatlar ta’lim hamjamiyatlari o‘rtasidagi hamkorlik va tajriba almashinuvining muhimligini ta’kidlovchi “Shared Learning, Shared Futures” (“Birgalikdagi ta’lim — umumiy kelajak”) shiori tadbirning bosh mavzusi bo‘ldi.

Konferensiya doirasida Invento The Uzbek International School yuqori sinf o‘quvchilarining oliy ta’lim muassasalariga kirishi borasidagi o‘z tajribasi bilan o‘rtoqlashdi. Maktab ijrochi direktori Aleksey Semyonov esa “DP and University Admissions: Exploring the Underexplored Opportunities” mavzusida taqdimot o‘tkazdi. Aleksey o‘z nutqida IB Diploma Programme va IB diplomi talabalarga universitetlarga kirishda qanday imkoniyatlar yaratishi haqida so‘zlab berdi. IB diplomi yuqori darajadagi akademik tayyorgarlik va o‘qishga kirishda qo‘shimcha afzalliklar berishdan tashqari, grantlar va akademik imtiyozlar olish imkoniyatini ham oshiradi.

IB’ning yuksak standartlari butun dunyoda tan olingani sababli, talabalar oliy ta’lim darajasida akademik kreditlarning tan olinishiga erishishlari mumkin. O‘tkazilgan sessiya doirasida Aleksey IB maktablari vakillari bilan yuqori sinf o‘quvchilari uchun ochilayotgan barcha imkoniyatlardan foydalanishga oid vositalar va amaliy maslahatlar bilan bo‘lishdi. U, shuningdek, dastur yetakchi universitetlar va ish beruvchilar tomonidan yuqori baholanadigan tadqiqot, tanqidiy fikrlash va mustaqillik ko‘nikmalarini rivojlantirishini ta’kidlab o‘tdi.

Maktab uchun nafaqat global anjumanlarda qatnashish, balki International Baccalaureate tashkiloti bilan bevosita hamkorlikni yo‘lga qo‘yish ham alohida ahamiyat kasb etadi. Ushbu hamkorlik doirasida Invento The Uzbek International School negizida CCAAIBWS (Kavkaz va Markaziy Osiyo mamlakatlari xalqaro bakalavriat maktablari assotsiatsiyasi) shafeligida zamonaviy ta’limni rivojlantirish, xalqaro akademik standartlar va Xalqaro bakalavriat dasturining kelgusi istiqbollariga bag‘ishlangan mintaqaviy anjuman bo‘lib o‘tdi.

Anjumanda jahon ta’lim amaliyotidagi asosiy tendensiyalar, kelajak ko‘nikmalarini shakllantirish, o‘quvchilarning farovonligini qo‘llab-quvvatlash, o‘qitish sifatini oshirish hamda IB dasturlari o‘quvchilar uchun ochib beradigan imkoniyatlar yuzasidan uchrashuv va treninglar tashkil etildi. Invento the Uzbek International School o‘qituvchilari Kavkaz va Markaziy Osiyo maktablaridan kelgan hamkasblari uchun bir qator o‘quv mashg‘ulotlarini o‘tkazib, shu tariqa butun mintaqaning pedagogik salohiyatini yuksaltirishga o‘z hissalarini qo‘shdilar.

Bunday uchrashuvlar maktab rivojidagi muhim qadam bo‘lib, uning eng yuksak xalqaro standartlarga mos bo‘lishga intilishini tasdiqlaydi. Bu Invento The Uzbek International School uchun nafaqat jahon ta’lim hamjamiyati bilan doimiy muloqotda bo‘lish, balki o‘quvchilar uchun eng ilg‘or xalqaro amaliyotlar kundalik ta’limning ajralmas qismiga aylanadigan ta’lim muhitini yaratish imkoniyatidir.

International Baccalaureate bilan hamkorlik maktabning yanada rivojlanishi uchun yangi ufqlarni ochadi, ta’lim dasturlari sifatini mustahkamlaydi hamda o‘quvchilarga yetakchi universitetlar va zamonaviy dunyo talablariga javob beradigan ta’lim olish imkonini beradi.

Bugungi kunda xalqaro ta’lim har qachongidan ham jadalroq rivojlanmoqda. Yangi texnologiyalar, mehnat bozoridagi o‘zgarishlar va kelajak avlod talablari maktablardan doimiy takomillashib borishni taqozo etadi. IB’ning yirik global va mintaqaviy anjumanlarida qatnashish Invento The Uzbek International School maktabiga global ta’lim hamjamiyatining bir qismi bo‘lib qolishga va eng yuqori xalqaro standartlarga mos ta’limni ta’minlashga yordam beradi.

O‘quvchilar va ota-onalar uchun bu – eng ilg‘or xalqaro tajribalar, zamonaviy yondashuvlar va yangi g‘oyalar bugunning o‘zidayoq maktabning kundalik hayotiga singib borayotgan jahon darajasidagi ta’limning bir qismi bo‘lish imkoniyatidir.

Media

Voqealar ro'yxatiga