Aqto‘be NISh maktabi delegatsiyasining Invento the Uzbek International School’ga tashrifi

Invento the Uzbek International School’da Qozog‘istonning yetakchi maktablaridan biri — Aqto‘be shahri Nazarboyev Intellektual maktabi (NISh) delegatsiyasi tashrif buyurdi.

Tashrif davomida mehmonlar maktab faoliyati, infratuzilmasi, zamonaviy o‘quv resurslari va o‘qitish usullari bilan tanishdi. Tomonlar pedagoglar malakasini oshirish, tajriba almashish, shuningdek o‘quvchilarning xalqaro tanlov, olimpiada va sport musobaqalarida qo‘shma ishtiroki yo‘nalishlarini muhokama qildi. Ikkala maktab o‘qituvchilarining kasbiy va ilmiy-amaliy konferensiyalardagi chiqishlari rejasiga alohida e’tibor qaratildi.

Uchrashuv yakunida qo‘shma ishning dastlabki rejalari shakllantirildi va Invento UIS hamda Aqto‘be NISh o‘rtasida hamkorlik Memorandumi imzolandi. Hujjat ta’lim aloqalarini mustahkamlash, pedagoglarning kasbiy rivoji va ikkala maktab o‘quvchilari imkoniyatlarini kengaytirish uchun yangi yo‘llar ochadi.